सबैले आशा गरेका थिए नायक सुमन िसंहमाथि । सम्भावना देखिएका नायकको लहरमा परेका उनको कहिलेकाहीँको हर्कत भने अचम्मकै हुँदोरहेछ । कुनै सिनेमामा फलानोका भन्दा मेरो फोटो किन सानो राखेको भनेर सिनेमा नै छोड्ने त कहिले के सुमनको उचाइले गर्नै नमिल्ने यस्ता कार्यहरुको चर्चा सेलाउन नपाउँदै उनले यसै हप्ता एउटा निकै झुर काम गरेछन् सुटिङ स्पटबाटै एक्कासि फरार भएर ।
चलचित्रको नाम हो छविलाल काचुस छैन । यो चलचित्रको अन्तिम दृश्य अर्थात् क्लाइमेक्सको समयमा एक्कासि सुटिङ स्पट छोडेर हिँडेपछि एकछिन त सुटिङ युनिट नै तीनछक्क परेको थियो । निकै भव्य त्यस दिनको क्लाइमेक्सको दृश्य खिच्न समयमा स्पटमा आइसकेका सुमन एक्कासि लापत्ता भएपछि स्पटमा निकै खैलाबैला मच्चियो । उनी जान सक्ने र उनलाई भेट्ने सबैलाई सम्पर्क गरियो तर सुमन फेला परेनन् । नायकको यो हर्कत सहन नसकेपछि निर्देशक ज्ञानेन्द्र देउजाले पनि जुक्ति निकालिहाले र त्यही डे्रस अर्कालाई लगाउन दिएर पछाडि अनि साइडबाट खिचेर चिटिङका साथ सुटिङ सकाए । नायकले धोका दिए तापनि काम पूरा गरेकोमा अन्य कलाकार एवम् प्राविधिकहरुले त्यस दिन सुमनलाई धिक्कार र निर्देशकलाई स्यावासी दिएका थिए ।
अचम्मलाग्दो कुरा यो छ कि सुमन किन त्यस दिन एक्कासि सुटिङ स्पटबाट हराएका थिए र उनी कहाँ अनि किन गएका थिए । आफ्नो क्यारियरमा नै असर पर्ने सुमनलाई त्यस्तो अप्ठ्यारो के परेको थियो । आजसम सबै अनविज्ञ छन् ।
सुमनको त्यस दिनको यो काण्डपछि उनको फिल्मी क्यारियरमा ठूलो असर पर्ने देखिन्छ । सुमनलाई थुपै्र सिनेमामा सिफारिस गरेका निर्देशक ज्ञानेन्द्र देउजाले अब ती सिनेमाबाट सुमनलाई निकाल्नका लागि चाहिँ सिफारिस गर्ने भएका छन् । एउटा सोझो केटो लाग्दथ्यो तर नराम्रोसँग धोका दियो ।