नेपाली चलचित्रमा एक आशलाग्दा नायक तथा चलचित्र 'च्यालेन्ज' का निर्माता रेस मरहठ्ठा घाईते भएका छन् । गत महिना अमेरिका पुगेका नायक रेश मोटरसाईकल दुर्घटनामा घाईते भएका हुन् । तिब्र गतिमा गुडिरहेको मोटरसाईकल पर्खालमा ठोकिन पुगी घाईते भएका हुन् । उनको दाहिने खुट्टा र ढाडमा चोट लागेको र डक्टरले एक महिनाको लागी आराम गर्न भनेको नायक रेशले बताएकाछन। मोटरसाईकल आफूमाथी नपरेकोले खासै केहि नभएको पनि उनले बताए । अमेरिका को क्यालिफोर्निया मा छायांकन भैरहेको "च्यालेन्ज" रेश घाईते भएपछी रोकिन पुगेको छ । अमेरिकामा छायाँकन भईरहेको यस चलचित्रको गीतको छायाँकन हङकङमा पनि गरिने छ । पहिलो पटक चलचित्र निर्माण गर्न लागेका रेशको चलचित्रको निर्देशन श्याम भट्टराईले गर्ने छन् भने चलचित्रमा पहिलो पटक गायक नबिन के. भट्टराईको सङ्गीत रहनेछ। द्वोंद प्रधान रहने सो चलचित्र सिनेमास्कोप प्रविधिमा निर्माण हुनेछ। निखिल उप्रेती संगै चलचित्र पिंजडा बाट नेपाली रजतपट मा उदाएका नायक रेश द्वारा अभिनित पछिल्लो चलचित्र "काठमाण्डौ" प्रदर्सनको क्रममा रहेको छ.