सानु घिमिरे,
अस्नेपाल न्यूज, सिडनी।
नेपाल लगायत अन्य देशबाट अस्ट्रेलिया आऊने बिद्यार्थीहरुको संख्या ह्वात्तै घटीरहेको अबस्थामा अस्ट्रेलियाकी  प्रधानमन्त्री जुलिया गिलार्ड र प्रमुख प्रतिपक्षी दलका नेता टोनी एब्बोट दुबैले यो संख्यालाई अझै न्युनिकरण गर्दै लाने बताएका छन । गत जुलाई २५ मा क्यान्बेराको नेशनल प्रेस क्लबमा आयोजित ' द फेडेरल इलेक्शन डिबेट ' मा बोल्दै उनीहरूले सो कुरा बताएका हुन ।

विवाद चर्किरहदा एब्बोटले अस्ट्रेलियाको सरकारले बिना योजना अत्यधिक संख्यामा अन्तर्रास्ट्रीय बिद्यार्थीलाई भित्र्याएको कुराको बिरोध गर्दै आफुले चुनाब जीते सो नीतिमा  ब्यापक परिबर्तन गर्ने कुरामा जोड़ दिएका थिए । जबाफमा प्रधानमन्त्री गिलार्डले आफ्नो पार्टीको सरकार रहदा नै यो नीतिलागू  गर्दै सन २००८ को तुलनामा सन २०१० मा यो संख्या अत्यन्त न्यून भएको बताएकी थिइन ।

अस्ट्रेलियाकी  प्रथम महिला प्रधानमन्त्री गिलार्डले ऑस्ट्रेलियन जनताको स्तरीय शिक्षा , जीवनस्तर र देश बिकासमा  आफू र आफ्नो पार्टी निरंतर अघि बढ्दै गएको र यसमा सबैलाई साथ दिन आव्हान गरेकी थिइन । अत्यन्त लोकप्रिय यो कार्यक्रममा लिबरल नेशनल पार्टीका नेता एब्बोटले अस्लियालाई आमूल परिबर्तनको खांचो भएको हुदा आगामी चुनाब आफ्नो पार्टीलाई जिताउन आव्हान गरेका थिए ।
ऑस्ट्रेलियामा बर्षेनी भित्रिने अन्तर्रास्ट्रिय बिध्यार्थीको अधिक चापले बिध्यार्थी स्वयं र सरकार दुबै पक्षलाई समायोजन हुन र गर्न कठिन भएको थियो ।