साउन १३ । नागरिक समाजका अगुवाहरुले राजनीतिक तेस्रो चरणको प्रधानमन्त्री निर्वाचनमा पनि दलहरुबाट नँया प्रधानमन्त्री चयन हुन नसके देश चलाउने जिम्मेवारी नागरिक समाजलाई दिन आग्रह गरेका छन् । आज राजधानिमा आयोजित एक कार्यक्रममा नागरिक समाजका अगुवाहरुले दलहरुले देशलाई कुनै निकास निकाल्न नसके नागरिक समाजलाई जिम्मेवारी दिएर बाटो खुल्ला गर्न सुझाव दिएका हुन् । नागरिक समाजका प्रतिनिधिहरुले प्रधानमन्त्रीको निर्वाचनमा दलहरुको तटस्त रहने भूमिका लोकतन्त्र विरोधी भएको दावी गर्दै यस्तो अवस्था अझै कायम रहे अन्तरिम संविधान र सभासदहरुको औचित्य सकिएर मुलुक असफल हुनेमा चिन्ता व्यक्त गरेका छन् । उनीहरुले मुलुक असफल हुने अवस्थामा नागरिक समाज चुप लागेर नबस्ने भन्दै त्यस्तो अवस्थामा नागरिक समाजले सरकार चलाएर मुलुकलाई निकास दिने बताएका छन् । उनीहरुले १७ गते मुलुकलाई नँया प्रधानमन्त्री दिन आग्रह गर्दै दलहरुबाट नँया प्रधानमन्त्री चयन हुन नसके सभासदहरुले पदबाट राजिनामा दिनु पर्ने धारणा राखेका छन् । दलहरको पछिल्लो व्यावहारले लोकतन्त्रको मुल्य र मान्यताको खिल्लि उडाएको दावी गर्दै दलहरु सचेत नभए नागरिक समाज आन्दोलनमा उत्रिने चेतावनी समेत नागरिक समाजका अगुवाहरुले बताएका छन् ।