साउन १३ । प्रविणता प्रमाणपत्र तह खारेजीको विरोध गर्दै आएका ११ विद्यार्थी संगठनका विद्यार्थीहरुले आफ्ना माग पुरा गर्न भन्दै नियन्त्रणमा राखेका त्रिभुवन विश्व विद्यालयका पदाधिकारीहरुलाई प्रहरीले हस्तक्षेप गरेर बाहिर निकालेको छ । विद्यार्थीहरुले त्रिविका उपकुलपति माधव शर्मा रेक्टार सुर्यलाल अमात्य र रजिष्टार भिम प्रसाद अधिकारीलाई बिहान ११ बजेदेखि विश्व विद्यालयको बैठक कक्षामै थुनिराखेका थिए । विद्यार्थी संगठन र त्रिभुवन विश्व विद्यालय बीच भएको वार्तामा बैठक कक्षामा पसेका प्रहरीले आफूहरुलाई जबजस्ति दुव्यावहार गर्दै बाहिर निकालेको अनेरास्ववियू छैटौका अध्यक्ष दुर्गा शर्माले बताउनु भयो । विद्यार्थी संगठनले प्रहरीले गरेको हस्तक्षेपको निन्दा गर्दै तत्काल बैठक बसेर आन्दोलनका कार्यक्रम घोषणा गरिने बताएका छन् । उच्च माध्यमिक शिक्षा परिषद र त्रिविको आंगिक क्याम्पस प्रमुखको कार्यलयमा तालाबन्दी गरी आन्दोलनमा उत्रिएका साना विद्यार्थी संगठनहरुले पूर्वाधार विकास नभै प्रमाणपत्र तह हटाउन नहुने माग गर्दै आएका छन् ।