साउन १२ । नेपाल भ्रमणको लागि आउनु भएका एशियाली विकास बैंक एडिबि का अध्यक्ष हारुहितो कुरोडाले शान्ति र स्थिरता पछि नेपालको विकासका लागि आवश्यक्ता हेरेर थप आर्थिक सहयोग गर्ने आश्वासन दिनु भएको छ ।
प्रधानमन्त्री माधव कुमार नेपालसँग आज भएको भेटघाटमा एडिबि अध्यक्ष कुरोडाले नेपाललाई गर्दै आइरहेको आर्थिक सहयोगमा निरन्तरता दिइरहने बताउनु हो ।
प्रधानमन्त्रीको कार्यलय सिहदरबारमा गरिएको भेटवार्तामा प्रधानमन्त्री नेपालले सरकारले मध्य पहाडी राजमार्ग फास्ट ट्रयाक निर्माण पूर्व पश्चिम रेलवये निर्माण अन्तराष्ट्रिय विमान स्थल निर्माण जलविद्युत आयोजना निर्माण र पर्यटन क्षेत्रको विकासको लक्ष्य राखेकोले एडिबिबाट सहयोगका लागि आग्रह गर्नु भएको थियो ।
जवाफमा एडिबि अध्यक्षले नेपालको विकासका लागि आफ्नो साथ र सहयोग भैरहने आश्वासन दिनु भएको थियो ।