काठमाडौ चैत २ । स्वास्थ्यमा गम्भीर अस्वस्थपछि बाँसबारीस्थित सहीद गंगालाल ह््रदय केन्दमा भर्ना हुनु भएका पूर्व प्रधानमन्त्री एवं कंग्रेस सभापति गिरिजाप्रसाद कोइरालाको स्वास्थ्य स्थितिमा क्रमिक सुधार हुदै आएको छ । रगतमा हेमोग्लोबिनको कमि र छातीमा समस्या देखिएको पछि कोइरालालाई हिजो साँझ अस्पताल भर्ना गरिएको थियो

अस्पतालको सघन उपचार कक्ष सिसियुमा भर्ना गरिएको कोइरालालाई रगत दिइएको र छातीमा इन्फेक्सनको पनि उपचार गरिएपछि स्वास्थ्यमा क्रमिक सुधार आएको कंग्रेसले जनाएको छ ।

सभापति कोइरालाको स्वास्थ्य अवस्था खतरामूक्त रहेको र रक्तचाप पनि सामान्य रहेको बताइएको छ । चिकित्सकहरुसंग थप बुझेर उहाँको उपचारको बारेमा निर्णय लिइने कंग्रेस नेता लक्ष्मण घिमिरेले जानकारीदिनुभयो ।

लामो समयदेखी स्वास प्रस्वासको समस्यावाट ग्रसित कोइराललाइ केही समय अघि देखि २४ सै घण्टा अिक्सजन दिदै आएको छ । ब्रोङकाइटीसबाट पिडित कोइरालाको स्वास्थ अबस्था बिग्रीदै गएपछि गत शुक्रवार महाराजगन्ज स्थित निवासवाट मण्डिखाटारस्थित छोरी सुजाता कोइरालाको घरमा सारिएको थियो ।