काठमाडौ फागुन २६ । तिब्बत चीनको अधिनमा आएको ५१ वर्ष पुरा भएको अवसरमासिमामा हुनसक्ने प्रदर्शनलाई ध्यानमा राखी चिनीया प्रशासनले आज नेपालसंगको सिमा नाका बन्द गराएको छ । स्वस्त्र तिब्बतका पक्षधरहरुले नेपाली भुमी प्रयोग गरि चीनविरुद्ध प्रदर्शन र िहंसात्मक गतिविधी गर्न सक्ने आशंकामा चिनले आजसहित मार्च १४ र २८ तारीकका दीन नाका बन्द गर्ने जनाएको छ । चीनको जाङ्बु प्रशासन र नेपालको सिन्धुपाल्चोकका सुरक्षा अधिकारी विच भएको वैठकले नाका बन्द गर्ने विषयमा सहमती गरेको हो ।

तिब्बती धार्मिक नेता दलाई लामा ५१ वर्ष अघि मार्च १० कै दिन स्वतन्त्र तिब्बतको माग गर्दे निर्वासीत भएका थिए । यसैविच चिनविरुद्ध काठमाडौमा हुन सक्ने प्रदर्शनलाइ ध्यानमा राखि प्रहरीले बालुवाटार र हात्तीसार क्षेत्रमा कडा सुरक्षा व्यवस्था गरेको छ । नेपालमा बसोबास गर्दे आएका तिब्बती शरणार्थीहरुले बालुवाटारमा रहेको चिनीया दुताबास र हात्तीसारमा रहेको काउन्सुलर कार्यालय अगाडी चिनविरुद्ध प्रदर्शन गर्न सक्ने आशंकामा आज सुरक्षा व्यवस्था कडा बनाईएको प्रहरीले जनाएको छ ।