काठामडौ फागुन २५ । काठमाडौमा भइरहेको एसिसी अण्डर-१६ ईलाईट कप क्रिकेट प्रतियोगितामा नेपालले बिजयी यात्रा जारी राखेको छ । लगातार दोस्रो जित हात पार्ने क्रममा आज भएको खेलमा नेपालले कुवेतलाई १०१ रनको फराकिलो अन्तरले पराजीत गर्यो ।
किर्तिपुर स्थित त्रिवि कि्रकेट मैदानमा नेपालद्धारा प्रस्तुत १८४ रनको लक्ष्य पछ्याएको कुबेत २५ ओभरमा ८२ रन बनाउदा अल आउट भएपछि नेपालले सान्दार जित हात पारेको हो । यसअघि टस हारी पहिला ब्याटिङको निम्तो पाएको नेपालले ४० ओभरमा अल आउट हुदै १८३ रन जोडेको थियो ।
नेपाललाई बिजयी बनाउन आज निश्चल पाण्डेले नायकी भुमिका खेले । उनले नेपालका लागी सर्बाधीक ५८ रन जोड्नुकासाथै कुवेतलाई सस्तैमा समेट्न ५ विकेट लिए । त्यस्तै नेपालका लागी शरद खड्काले ३३ तथा शतिस भगतले २९ रनको योगदान गर्दा दिपेन्द्र चन्द र हरी चौधरी समान १२ १२ रनमा पेभेलियन फर्के ।
कुवेतका लागि भने हलि जाहिरले सर्बाधीक २७ तथा जाकरीया ल्याकतले २० रनको योगदान गर्न बाहेक अन्य ब्याटस्म्यानहरुले उल्लेख्य प्रदर्शन गर्नसकेनन् । नेपालका बिबेक चौधरीले कुवेतको थप तिन विकेट लिए । प्रतियोगिता अन्तर्गत हिजो भएको उद्घाटन खेलमा नेपालले हङकङलाई ६ विकेटले पराजीत गरको थियो । प्रतियोगिता अन्तर्गत आजै भएका अन्य खेलहरुमा हङकङले बहराईनलाई ११३ रनले पराजीत गरेको छ भने साउदी अरबले थाईल्याण्डलाई १५९ रनको पराजीत गरेको छ ।