काठमाडौ फागुन ९ । ऋण उपभोक्ता संघ नेपाल र राष्ट्रिय वित्तीय समस्या समाधान समिति एकिकरण पछी स्थापित राष्ट्रिय आर्थिक तथा वित्तिय सेवा उपभोक्ता संघ नेपालको भावि कार्य दिशा र रणनीति सार्वजनिक गरिएको छ ।
राजधानिमा आज आयोजित एक कार्यक्रम मार्फत संघले सार्वजनिक गरेको कार्यक्रम अनुसार आर्थिक मौदि्रक औधोगिक एवं लगानीबारे नीति निर्माण गर्ने बैंक जस्ता वित्तीय संस्थाहरुबाट कार्वाहीमा परि डुबेका उपभोक्ताहरुलाई संरक्षण र संवर्धन गर्न सहयोग गर्ने देशमा आर्थिक क्रान्तिको घोषणा गर्ने लगायतका कार्यक्रमहरु रहेका छन् ।
त्यसै गरि पूर्व घोषित कार्यक्रम अनुसार फागुन २३२४ र २५ गते एकता महाधिवेसन गन्रे नँया केन्द्रिय समितिको निर्वाचन हुने र विधान शंसोधन गरिने संघले जनाएको छ ।

कार्यक्रममा बोल्दै एकता महाधिवेसन आयोजक मुल समितिका संयोजक गणेश गिरीले आर्थिक क्षेत्रका समस्याका बिषयहरुमा सरकारसँग सम्झौता भइसक्दा पनि कार्यान्वयन नभएकाले यसलाई प्रभावकारी बनाउन र राष्ट्रको आर्थिक उन्नतीमा टेवा पुर्याउन सकिएला भन्ने उद्देश्यले महाधिवेसन गर्न लागिएको जानकारी दिए ।
ऋण उपभोक्ता संघ नेपालका अध्यक्ष जयराम शर्माले एकता महाधिवेसनमा दुवै संस्थासँग आवद्द ६० जिल्लाका प्रतिनिधिहरु पदाधिकारीहरु र उद्योगी व्यवशायी पर्यवेक्षकहरु गरी ५०० जनाको सहभागिता रहने बताए ।
उनले बैंक वित्तिय संस्थाहरुबाट ऋण भुक्तानी नीति नियम अव्यावहारिक भएकाले ऋणी व्यावशायी उपभोक्ता सुकुम्बासीको स्थितिमा पुगेको बताए ।