काठमाडौ माघ २६ । सत्तारुढ घटक नेपाली काङ्ग्रेस केन्द्रीय कार्यसमितिको बैठक आजदेखी राजधानीमा सुरु हुँदैछ । पार्टी केन्द्रीय कार्यालय सानेपामा दिउँसो १ बजेपछि सुरु हुने बैठकमा पार्टीको आगामी १२ औँ महाधिवेशनको तयारी सरकारमा पार्टीको भुमिका र संविधानसभाको विभिन्न समितिहरुमा दलहरुवीच देखिएको मतभेद बारे पार्टीको आधिकारिक धारणाको बारेमा छलफल हुने पार्टी प्रवक्ता अर्जुननरिसंह केसीले जानकारी दिनुभयो ।

पछिल्लो समयमा काङ्ग्रेस भित्र सरकार परिवर्तनको बहस चलिरहेको बेला आजदेखि सुरु हुने केन्द्रिय कार्यसमितीको बैठकमा पनि यसबारेमा गम्भीर छलफल हुने बताइएको छ ।

यस्तै उच्चस्तरीय राजनीतिक सयन्त्रको भुमिका र प्रभाबकारीताकासाथै एकीकृत माओवादीका तर्फबाट पार्टी सभापति गिरिजाप्रसाद कोइरालालाई प्रधानमन्त्री बन्न आग्रह गरेको विषयमा पनि केन्द्रीय बैठकमा छलफल हुने कंग्रेसले जनाएको छ ।

काङ्ग्रेस संसदीय दलको बैठकमा अधिकांश युवा सभासदले सरकारमा पार्टीको सहभागीतालाई लिएर गम्भीर असहमति जनाइरहेको बेला शुरु भएको केन्द्रीय कार्यसमिति बैठकलाई निकै महत्वकासाथ हेरिएको छ ।