काठमाडौ माघ २६ । स्पेसटाइम नेटवर्कका अध्यक्ष जमिम शाहको हत्याको विरोधमा नेपाल पत्रकार महासंघ लगायतका संचारसंबद्ध संघसंस्थाहरुले आज विरोध प्रदर्शन गर्ने भएको छ । हत्यारालाई तत्काल पक्राउ गरि कारवाही गर्न माग गर्दै महासंघसहित टेलीभीजन ब्रोडकास्र्टस एसोसीयसन मिडीया सोसाइटी र रेडीयो ब्रोडकास्र्टसनेपाल आदिको सहभागीता रहने जनाईएको छ ।
दिउसो ३ बजे भृकुटीमण्डपबाट शुरु हुने विरोध र्याली बसन्तपुरमा पुगेर सभामा परिणत हुने महासंघले जनाएको छ ।

सरकारले अपराधी पक्राउ नगरेसम्म विभीन्न प्रकारका आन्दोलन जारी रहने साचार सम्बद्ध संस्थाहरुले जनाएका छन् । आइताबार दिउसो सवा दुई बजे लाजिमपाटको वीच सडकमा मोटरसाइकलमा आएका दुई जना अज्ञात समुहले संचार उद्यमी शाहलाई गोली प्रहार गरि हत्या गरेको थियो । हत्याको जिम्मा भारतका अण्डरवल्र्ड डन छोटा राजन समूहले लिएको जनाइएको छ ।
यता प्रहरीले हत्याराको पक्राउका लागि अनुसन्धान कार्यलाई तिव्रता दिएको काठमाडौ प्रहरी प्रमुख गणेश केसीले बताउनुभएको छ ।